Атырауда суға кеткен екінші баланың денесі табылды

Атырауда Жайық өзеніне батып кеткен екінші баланың денесі табылды. Қайғылы жағдай кеше қала маңындағы Бесікті ауылының тұсында болған еді. 14 жастағы жасөспірімнің мүрдесін сол күні туыстары судан шығарып алды. Ал 13 жасар баланың денесін құтқарушылар бүгін түскі сағат 1-лер шамасында оқиға болған жерден 7 шақырым қашықтықтан тапты. Жыл басынан бері 9 адам суға батып кеткен.

Ардақ Өтенов, ТЖД Азаматтық қорғаныс басқармасының аға офицері:

Судың жағалауында біздің қызметкерлер белгіленген учаскелерде жүр. Түсіндірме жұмыстарын жүргізуде. Құлақ аспайтын азаматтарға айыппұл қарастырылған. Соңғы жағдайларға байланысты ата-аналардан балаларын су айдындарында қараусыз қалдырмауын сұраймыз.

Нұрсұлтан Нұрсейіт