Қызылорда облысында алименттің ақшасын құмар ойынға салатын әке көбейді

Қызылорда облысында борышкерлер алимент төлеуден жалтарып, құмар ойындарға 250 миллион теңге ақша салған. Прокурорлар зерттеу жұмыстарын жүргізу барысында бәс тігетін 154 безбүйрек әкені анықтады.

Олардың көбі букмекерлік кеңселердің арбауына түскендер. Тіпті олардың отбасынан ажырауына да осы құмар ойын себеп болған. Қадағалау органының бастамасымен бүгінде 18 борышкерге қатысты қылмыстық іс қозғалды. Сот үкімімен 9 адам бас бостандығын шектеу жазасын алып, жауапқа тартылды. Жалпы жарты жылда 155 жалғыз басты ананың арыз-шағымы қаралып, 91 миллион теңге алимент өндірілген.

Әділбек Серікұлы