Қызылордада қазақ күресінен «Сыр барысы» анықталды

Қызылордада қазақ күресінен «Сыр барысы» анықталды. «Алтын белбеу» облыстық сайысының түйе балуандар бәсекесінде 12 оғлан сынға түсті. Бағы мен бабы қатар шапқан бұл додада Еламан Ерғалиев жеңіске жетіп, «Сыр барысы» атанды. Ал Мақсат Исағабылов екінші орынды иеленді. Осылайша қос балуан республикалық «Қазақстан Барысы» турнирінің ақтық сайысына жолдама алып отыр.

Еламан Ерғалиев, Қазақ күресінен «Сыр барысы»:

Мақсат досымыз екеуміз Қазақстан барысына жолдама алдық. Бұйырса, Сыр елінің үмітін ақтауға бүкіл күшімізді саламыз. Екінші мәрте «Қазақстан барысы» болуға, финалда кездесуге атсалысып, мықты дайындықта барамыз деп ойлаймын.

Әділбек Серікұлы