Астанада педагогтердің қалалық тамыз конференциясы өтті

Диджитал Қазақстан: Жаңа замандағы білім беру. Бүгін Астанада осындай атаумен педагогтердің қалалық тамыз форумы өтті. 2000 ұстаздың басын қосқан жиынның басты мақсаты – білім саласын цифрландыру мен жасанды интеллект технологияларының озық үлгілерін енгізу. Өзекті мектеп мәселесі де назардан тыс қалмады. Қазір елордада 187 мектеп бар. Барлығы жаңа оқу жылына дайын. Бірінші сыныпқа 28 мың оқушы барады деп күтіліп отыр.

Қасымхан Сенғазыев, Астана қаласының білім басқармасының басшысы:

Біздің енді Қазақстанның білімі жылдан жылға көрсеткіштері жақсарып келе жатыр. Егер де мына халықаралық ПИЗА зерттеулеріне қарайтын болсақ біздің астаналық оқушылар өзіміздің өңірлер бойынша қазір алдыңғы үштікте тұр. Жыл сайын білім сапасы 2-3 пайызға көтеріліп келеді. 

Мақпал Жақыпбек