18 тамыз - Қазақстан Шекара әскерінің құрылған күні

18 тамыз – ел тыныштығы үшін күні-түні күзетте тұрған Шекарашылар күні. Мереке қарсаңында бүгін елордада «барлық уақыттағы шекарашылар» ескерткішіне гүл шоқтары қойылды.

Ұлттық әскери-патриоттық орталығында шекарашыларға арналған бұрыш ашылды. Мұнда шекара қызметіне қатысты экспозициялар, құнды құжаттар мен батыр қолбасшылар туралы деректер бар. 1992 жылдың тамызында Қазақстан Президентінің Жарлығымен Шекара әскері құрылды. Содан бері олар елдің аумақтық тұтастығы мен егемендігін сақтауда абыройлы қызмет атқарып келеді.

Серік Қалдыбаев, ҚР ҰҚК шекара қызметінің ардагері:
ҚР мемлекетінің шекарасын күзету әр адамның, әр азаматтың міндеті деп ойлаймын. Өйткені бірінші мемлекет шекарадан басталады. Оны күзету міндет.