Атырауда балаға қол көтерген тәрбиешіге қатысты қылмыстық іс қозғалды

Атырауда балаға қол көтерген тәрбиешіге қатысты қылмыстық іс қозғалды. Балабақшаның бақылау камерасына жазылған видео әлеуметтік желіде тараған. Тәрбиешінің көмекшісі кішкентай қызды итеріп жібергені аңғарылады. Ол құлаған сәтте бетін кереуетке соққан. Анасының айтуынша қызының денесі көгеріп, ерні ісіп кеткен.

Құралай Еділбаева, ата-ана:

Отырған баланы қарақұсынан алып сабайды. Аяқ астынан ол балаға бірдеңе болып қалса, сол моментте кім жауап береді, кім тауып береді маған ол баланы. Алады да сосын кроваттің ұшына лақтырады. Бала түскенде, маңдайы мен ернін соққан, видеода.

Балаға тиісті медициналық көмек көрсетілді. Оқиға жекеменшік балабақшалардың бірінде тіркелген. Мәселенің мән-жайын құзырлы органдар анықтайды.

Мейірім Ердәулет, Атырау облысы ПД ресми өкілі:

Кешенді тергеу жүргізлуде. Сот медициналық сараптамалар тағайындалды. Қазіргі таңда оқиғаның куәгерлерінен жан-жақты тергеу амалдары жүргізіліп, жауаптар алынуда.

Эльмира Кәленова