Көкшетауда «Мектепке жол» қайырымдылық акциясы өтті

Көкшетау қаласында «Мектепке жол» қайырымдылық акциясы өтті. Жылдағы дәстүр бойынша бүгін түрлі этнос өкілдері 27 балаға мектепке қажет құрал-жабдықты үлестірді. Жалпы жаңа оқу жылы қарсаңында әлеуметтік қолдауға мұқтаж 50 шақты оқушы арнайы оқу құралдарымен қамтылды. Алдағы уақытта тағы 60-қа жуық балаға көмек көрсетілмек. Мұндай қайырымдылық шарасына Қазақстан халқы Ассамблеясы ұйытқы болды.

Әлия Мәкішева, қала тұрғыны:

Менің алты балам бар. Оның үшеуі мектепке барады. Әрине, үш баланы киіндіру оңай емес. Енді қолымыздан келгенше алып жатырмыз. Сосын бүгін оқу құралдарын, мектепке қажетті заттарды беріп жатыр.

Ұмсындық Наурызбаева