Шығыс Қазақстанда қаза болған кеншілердің отбасына көмек көрсетіледі

Шығыс Қазақстан облысындағы қаза тапқан кеншілердің отбасына барлық көмек көрсетіледі. Естеріңізге салайық 31-тамыз күні «Ертіс» шахтасында 4 адам көз жұмып,1 адам ауыр халде ауруханаға жатқызылды.Алдын ала болжам бойынша кеншілер газға уланған. Ал 1 қыркүйекте «Артемьев» шахтасында тас құлап тағы бір жұмысшы қайтыс болды. Оқыс оқиғаға байланысты өңірде жедел штаб құрылып, арнайы комиссия тергеп-тексеріп жатыр.

Ермек Көшербаев, ШҚО әкімі:

Бес адам қаза тапты. Әрине тиісті тергеу жұмыстары жүргізіліп жатыр. Осындай қайғылы жағдай кезінде қолдау ең бірінші мәселе. Кішкентай балалары, нәрестелері бар. Оларға қандай көмек бере аламыз? Оны бостан босқа қалдырмаймыз. Баршамыз жабылып қолымыздан келгенді жасаймыз.

Олжас Керейхан