Мемлекет басшысы V Дүниежүзілік көшпенділер ойындарына дайындық туралы кеңес өткізді

Мемлекет басшысы V Дүниежүзілік көшпенділер ойындарына дайындық туралы кеңес өткізді. Президент Ұлттық құраманың, спорт кешендерінің, қонақүйлер мен мәдениет орындарының даярлығын пысықтады. Сондай-ақ қоғамдық көлік, қауіпсіздік және тазалық мәселелері де назардан тыс қалмады. Жиында Қасым-Жомарт Тоқаев көшпенділер ойындары ұлттық спорт түрлері бойынша өткізілетін әлемдегі ең ірі жарыс екенін атап өтті. «Сондықтан да байрақты бәсеке жоғары деңгейде ұйымдастырылып, халқымыздың терең тарихы мен мәдениетін, қонақжайлық қасиетін паш етуі керек. Меймандар мен спортшыларға қажетті жағдай жасау аса маңызды», - деді Мемлекет басшысы.