2026 жылы елімізде Amazon Kuiper жаңа спутниктік интернеті іске қосылады

2026 жылы елімізде Amazon Kuiper жаңа спутниктік интернеті іске қосылады. Қазақстанның Цифрлық даму, инновациялар және аэроғарыш өнеркәсібі министрлігі мен Amazon Kuiper бірлескен меморандумға қол қойды. Маңызды келісім нәтижесінде спутниктік байланыс арқылы елдің кез келген жерінде жоғары жылдамдықты интернетке қол жеткізуге болады. Тараптар ғарыштық технологиялар мен спутниктік байланыс саласындағы ынтымақты нығайтуға ниетті.

Жаслан Мәдиев, ҚР Цифрлық даму, инновациялар және аэроғарыш өнеркәсібі министрі:

Бұл өте маңызды меморандум. «Амазон Кайпер» Қазақстанға кіреді. Спутникті интернетті Қазақстанның адамдары ала алады. 2026 жылы менің ойымша қолжетімді болады.

Джефф Киетцман, Amazon Kuiper өкілі:

Біз министрлікпен ынтымақ орнатқанымызға қуаныштымыз және біздің бірлескен тәжірибеміз Қазақстанға пайда әкелетініне сенімдіміз. Бұл төменгі Жер орбитасындағы спутниктік байланыс мүмкіндіктерін арттырып, интернеттің жылдамдығына қатысты мәселелерді шешуге өз ықпалын тигізеді деп ойлаймын.

Ақмаржан Ғафизқызы