Басты Жаңалықтар Түркияда қазақстандық кәсіпкерлер қауымдастығы құрылды

Түркияда қазақстандық кәсіпкерлер қауымдастығы құрылды

10.09.2024 22:11

Түркияда қазақстандық кәсіпкерлердің тұңғыш қауымдастығы құрылды. Стамбұлда бас қосқан 40-қа жуық қазақстандық кәсіпкер осындай шешім қабылдады. Түркиядағы Қазақстан елшілігі мен Стамбұлдағы Бас консулдық бастамашы болған жиынға Түрік еліне инвестиция құйып, осы жақта ірілі-ұсақты бизнес жүргізіп жатқан кәсіпкерлер қатысты. Жаңа құрылған қауымдастық бизнес өкілдерінің өзара байланысын арттырып, шетелде кәсіп жүргізу кезінде туындаған мәселелерді бірлесе шешуге мүмкіндік бермек. Бұдан бөлек, кәсіпкерлер Түркияда оқып жатқан қазақстандық студенттерді қамқорлыққа алып, әлеуметтік жағдайы төмен шәкірттерге стипендия төлеу жайын да пысықтады.

Серік Төлеков, кәсіпкер:

Осындай жиында тәжірибемен бөлісіп, білген-көргенін түсіндіріп, ауызбіршілігіміз артса, онда қандай қиыншылық болсын, оны болсын шешу оңай болады. Арамызда жаңадан бастап келе жатқан жас балалар бар, бизнесмендер, кішігірім бизнес ашқандар бар, соларға үлгі болу, оларға көмектесу, бірге жұмыс істеу, білімдерін арттыру өте жақсы бастама деп ойлаймын.

Бөлісу