Түркі мемлекеттері ұйымына мүше елдердің Қауіпсіздік кеңесі хатшылары бас қосты

Түркістанда Түркі мемлекеттері ұйымына мүше елдердің Қауіпсіздік кеңесі хатшылары бас қосты. Жиында тараптар ұйым кеңістігіндегі қауіпсіздік пен тұрақтылық жайында пікір алмасты. Терроризм мен экстремизмге, қару мен есірткінің заңсыз айналымына, трансұлттық ұйымдасқан қылмысқа қарсы іс-қимыл үшін ынтымақты дамыту мәселелері талқыланды. Еліміздің Қауіпсіздік Кеңес хатшысы Ғизат Нұрдәулетов лаңкестік қауіп-қатерлер туралы тұрақты және тиімді ақпарат алмасу, халықаралық террористік ұйым қатарындағы содырлар мен лаңкестік әрекетті қаржыландыратын түрлі арналардың жолын кесу бойынша бірлесіп іс-қимыл жүргізудің маңызды екенін атап өтті.

Айнұр Ақбаева