Түркі әлемінің ортақ әліпби үлгісі жарияланды

Түркі әлемінің ортақ әліпби үлгісі жарияланды. 34 әріптен тұратын үлгі Бакуде өткен Түркі әлеміне ортақ әліпби комиссиясының үшінші отырысында таныстырылды. Сондай-ақ осы жиында «Ортақ түркі әліпбиі декларациясы» жарияланды. Декларация латын графикасына негізделген. Онда тілдердің ерекшеліктерін ескере отырып, бір фонемаға бір әріп қағидасы қолданылған. Комиссияның бұл шешімі Түркі мемлекеттері ұйымына мүше және бақылаушы мемлекеттердің тиісті мекемелеріне ұсыныс ретінде таратылмақ.

Дархан Қыдырәлі, Сенат депутаты:

Бұл қазір әзірше ортақ әліпби. Ешқандай мемлекеттің әліпбиі емес. Егер Қазақстан осы әліпбиді бірінші қабылдаса, онда Қазақстанның әліпбиі болашақта жалпы түркі кеңістігінің ортақ әліпбиі болуы мүмкін. Мысалы бұл әліпбидегі 5 әріп Түркияның қазіргі әліпбиінде жоқ. Олар түбінде қабылдауы мүмкін. Бірте-бірте осы ортақ әліпбиге келуі мүмкін. Ол әр мемлекеттің өзінің таңдауы әрине өзінің тілдік заңдылықтарына сәйкес.

Оңғар Алпысбай