ЖИИ: Қазақстан креативті тауарлар мен қызметтер санаты бойынша рейтингте көтерілді

Қазақстан «Креативті тауарлар мен қызметтер» санаты бойынша әлемдік рейтингте 93-ші орыннан 65-ші орынға көтерілді. Мұндай қорытынды жаһандық инновациялық индекстің есебі бойынша шығарылды. Елордада өткен халықаралық шарада еліміздің «Заң үстемдігі», «Математика және жаратылыстану ғылымдары бойынша PISA шкаласы», «Бизнес жүргізу» сынды бағыттарда дамып келе жатқандығы айтылды. Бұдан бөлек еліміз «Ұлттық көркем фильмдер» бойынша 61-ші орыннан 31-ші орынға көтерілген. Орталық Азияда тұңғыш рет өткен жиында инновация министрлері, Азия елдерінің патенттік ведомстволарының басшылары, дипломатиялық корпустың, халықаралық ұйымдардың өкілдері қатысты.

Аида Ахметбек