АЭС салу – маңызды қадам

Еліміз бейбіт атомның дамуын қолдау арқылы отандық ғылымға да, экономикаға да серпін бере алады. Қазіргі бар игілікті орнықты пайдаланған жөн. Алматыда бас қосқан мамандар осындай ой білдірді. Ғалымдар жиын барысында Қазақстанның болашақ энергетикалық жүйесінің негізгі құрамдас бөлігі ретінде атом энергетикасына баса назар аударды. Олар парниктік газдар шығарындыларын азайту, төмен көміртекті энергия көздеріне көшу, электр тапшылығы мәселелерін шешу жолдарын ұсынды. Сондай-ақ сарапшылар АЭС құрылысы аясында жаңа жұмыс орындарын ашу және білікті кадрларды даярлаудың маңыздылығын сөз етті.

Қасым Елемесов, техника ғылымдарының кандидаты, профессор:

Атом электр станциясы міндетті түрде Қазақстанға керек. Оны дамыту керек. Дамытуға бізде бар мүмкіндік бар. Уран бар. Шетелден маман шақырып отыра алмайсың. Бізге өзіміздің маман керек.

Жазира Оразқызы