Павлодар облысындағы бірнеше елдімекенде өрт қаупі сейілді

Павлодар облысындағы бірнеше елдімекенде өрт қаупі сейілді. Әйтсе де, өрт толық сөнген жоқ. Қарағанды облысының Қарқаралы ауданы мен Павлодардың Баянауылы шекараласқан аумағында 45 мың гектар жерді от шарпыды. Тілсіз жауды тұмшалауға Астана мен Ақмола, Абай облысы және Ұлттық ұлан сарбаздары көмекке барды.

Қазір 100 ден аса арнайы техника, 700 жуық адам жалынмен арпалысып жатыр. Тікұшақтар 50 тоннадан астам су бүрікті. Соның арқасында өрттің таралуын тоқтатуға мүмкіндік болып отыр.

Роллан Есмағанбетов, Қарағанды облысы ТЖД бастығының орынбасары:

Айыр, Шөптікөл, Қызылшілік, Атантай, Теректі елді мекендеріне қауіп сейілді. Қатты екпінді жел, таулы жерлер және өрт ошақтарына кірме жолдардың болмауы өртті сөндіру жұмыстарын қиындатуда.

Болат Аманбаев