Жерге құйрықты жұлдыз жақындап келеді

Жерге құйрықты жұлдыз жақындап келеді. Алайда оның адамдарға ешқандай қаупі жоқ дейді мамандар.

«С,2023 А3» деп аталатын кометаны былтыр қаңтар және ақпан айларында Қытай мен АҚШ-тағы тәуелсіз екі обсерватория анықтаған. Аспан денесі 27 қыркүйекте Күнге ең жақын қашықтықта болған. Ал 12 қазан күні жерге жақындап, әсіресе Қазақстанның солтүстік өңірінде тұратындар оны көре алады. Ақтөбе планетариі мамандарының айтуынша, бұл комета жерге 80 мың жылда бір айналып көрінеді екен.

Гүлзия Есімгүжиева, планетарийдің бөлім меңгерушісі:

Пик кезі дейміз ғой, ол 12 қазан. Яғни жай көзбен солтүстік жарты шардан біз көруімізге болады. Ал 18 қазан күндері оны біз тек телескоппен қарай аламыз. Бұл кометаның адамға еш зияны жоқ.

Жақсыбек Кемал