Қарағанды облысындағы өрт толық сөндірілді

Қарағанды облысының Қарқаралы ауданындағы өрт толықтай сөндірілді. Қазір қайта барлау жұмыстары жүріп жатыр. Үш күнге созылған алапат өртті сөндіруге 600-дей адам мен жүзден астам техника тартылды. Қазір 137 өрт сөндіруші мен 20-дан астам техника сонда. Олардың арасында Көкшетаудан көмекке барған ерекше топ та бар. 9 адамнан құралған еріктілер жол шығынын өздері көтеріп, көлікте түнеп, жалынды ауыздықтауға көмектескен.

Азамат Әбдікәрімов, Көкшетау қаласының тұрғыны:

Қарағанды облысы Қарқаралы ауданында осындай жағдай болып жатқаннан кейін жігіттермен ақылдасып, өз еркімізбен осы жерге келіп, атсалысып көмектесіп жатырмыз. Өзіміз осы салада жүргендіктен келген себеміз сол. Кеше өрт сөндірдік степной пожар дейді ғой сонда болдық.

Жандос Бақытұлы