Қарағанды облысында дала өртінен келген шығын есептелуде

Қарағанды облысында дала өртінен келген шығын есептеліп жатыр. 3 күнге созылған өрт қазір толықтай сөндірілді. Енді жауапты тұлғалар жалын шарпыған аймақтарды аралап, тұрғындармен кездесіп жүр.

Әзірге Қарқаралы ауданында мал шығыны тіркелмеді. Теректі ауылында бір қыстақ өртенген. Онда шамамен 300 тонна шөп жанып кеткен. «Шығын толығымен өтеледі», - дейді әкімдік өкілдері.

Ораз Тәуірбеков, облыс әкімінің орынбасары:

Ауыл шаруашылықтарға, мал ұстаушыларға, кәсіпкерлермен мен тұрғындарға келтірілген шығындарды қалпына келтіретін боламыз. Осы қабылданған шешім күшіне енгеннен кейін тиісті комиссия кіріседі.

Жандос Бақытұлы