Түркістан облысында мың шақырымнан астам жолға асфальт төселуде

Биыл Түркістан облысында мың шақырымнан астам жолға асфальт төселіп жатыр. Жыл соңына дейін соның 546 шақырымы аяқталады. Оның ішінде Кентау қаласына қарасты 30-ға жуық көше бар. Ал Қарнақ ауылында 9 көшеге асфальт жабыны төселді. Қалалық әкімдік жаңадан салынған жолдардың сапалы болуы үшін Ұлттық сапа орталығымен келісімшарт жасасқан.

Орталық соңғы 4 жылда Түркістан облысы бойынша 1 мың 292 нысанды бақылауға алып, тексеру жүргізген. 11 мыңға жуық сына алынып, соның 4 мыңнан астамы талапқа сай болмай шыққан.

Айнұр Әбілқасымқызы