Балқаш қаласында футбол алаңы жаңартылды

Қарағанды облысы Балқаш қаласында «Металлург» стадионында жаңартылған футбол алаңы пайдалануға берілді. Енді жаңа алаңда 900-ге тарта жеткіншек спортпен шұғылдана алады. Жасыл алаң 17 жыл бойы жөндеу көрмеген, тозығы жеткен еді. Сондықтан Қазақстан футбол федерациясының «ALAÑ» жобасы аясында нысан жаңартылып, италиялық сападағы жасанды көгал төселді. Жоба аясында осымен тоғызыншы алаң жаңартылып отыр.

Сұлтан Талғатов, футболшы:

Футбол сүйікті спортым. Бала кезімнен айналысып келемін. Маған бұрынғы алаңда ойнау қиынға соғатын. Қазіргі заманауи алаң өте жұмсақ. Әрі футбол ойнауға өте ыңғайлы.

Жандос Бақытұлы