Республика күні қарсаңында Қазақстан халқы Ассамблеясының мүшелері марапатталды

Республика күні қарсаңында Қазақстан халқы Ассамблеясының мүшелері де марапатталды. Жалпы этномәдени бірлестіктердің 50-ден астам өкілі алғыс хаттарға ие болды. Олар өңірлердегі қоғамдық келісім мен жалпыұлттық бірлікті нығайту саласында көп жыл еңбек еткендер. Шарада бір топ белсенді азамат қоғамдық «Бiрлiк» алтын төсбелгісіне ие болды. Ассамблеяның екі мүшесі Мемлекет басшысының алғысымен, ал елдегі тұрақтылық пен бірлікті сақтап, этносаралық келісімді қамтамасыз етуге абыройлы қызмет еткені үшін Ассамблеяның бес мүшесі «Құрмет» орденімен марапатталды.

Дариға Смайылова, ҚХА «Ассамблея жастары» республикалық қоғамдық бірлестігі СҚО өкілдігінің төрағасы:

Өте толқып тұрмын, қуаныштымын. Бұл тек қана менің ғана марапатым деп санамаймын, өйткені су тасқыны кезінде біз команда болып жұмыс істедік. Оның ішінде СҚО ассамблея жастары, республикалық қоғамдық бірлестіктерің белсенділері бар.

Шавқат Ұмаров, ҚХА мүшесі, мектеп директоры:

Марапаттың өзі үлкен жауапкершілікті жүктейді. Бұл марапат біз үшін берілген аванс деп ойлаймын, өйткені бұдан кейін бұдан да көп жұмыс істеу керек. Сол үшін елімізге, ҚХА-ға, Президентке алғыс айтамын.

Аида Ахметбек