Қазақ өнерпаздары Мадридте өнер көрсетті

Қазақ музыканттары испандарды тәнтті етті. Мадридте «Қазақконцерт» мемлекеттік концерттік ұйымының «Астана сазы» фольклорлық ансамблі мен «Ясауи» вокалдық тобының өнерпаздары өнер көрсетті.

Бұл еліміздің Испаниядағы елшілігінің Республика күніне жасаған тартуы. Концертте музыканттар Құрманғазы, Дина мен Дәулеткерейдің күйлерін күмбірлетіп, шетелдіктерге қазақ күй өнерінің құдіретін сезіндірді.

Сондай ақ Қожа Ахмет Ясауидің хикметтері, Ақтамберді мен Қашаған жыраулардың жыр термелерін орындап, рухани құндылықтарды дәріптеді. 

Нұрсұлу Қасым