Шығыстағы археологиялық жәдігерлер мұражайға берілді

Шығыстағы «Ақбауыр» тарихи кешенінен табылған жәдігерлердің жартысы Сәрсен Аманжолов атындағы университет мұражайына берілді. Жыл сайын қазба жұмыстары нәтижесінде көне қорымнан қола мен ерте темір дәуіріне жататын көптеген жәдігерлер табылып келеді. Археолог ғалым Зейнолла Самашев Ақбауыр аумағын соңғы 20 жылдан бері зерттеп келеді.

Ғалымның айтуынша, жалпы осы өлкені қоныстанған Сақ тайпалары заманында тек мал шаруашылығымен ғана емес, егіншілікпен және кен өндірумен де айналысқан. Оған бүгінге дейін табылған артефактер дәлел. Кенді өндіріп қана қоймай, тұрмысқа қажетті бұйымдар соққан. Қазір археолог ғалымдар жалпы Шығыс Қазақстан археологиясының екі томдығын дайындап жатыр.

Зейнолла Самашев, археолог:

Бұл өте құнды ескерткіш. Сондықтанда бұл жердегі зерттеуді, қазба жұмыстарды жалғастыра береміз. Себебі 10 жыл өте ме, 20 жыл өте ме, осының бәрін аяғына дейін жеткізуіміз керек.

Олжас Керейхан