Таразда мерзімі өткен медреагенттер анықталды

Таразда ЖИТС орталығындағы медициналық талдағыштардың мерзімі өтіп кеткен. Антикор мамандары қан құрамын анықтайтын қоспалардың 2 жыл бұрын ескіріп кеткенін анықтады. Алайда қолданыстағы препараттармен бірге қойма сөрелерінде сақталып келген. Аса қауіпті дертті анықтауға арналған реагенттердің жалпы саны 380 дана. Оларды мекеме басшылығы кезінде 68 млн теңгеге сатып алған. Бұдан бөлек бір ай бұрын мерзімі өткен 7 млн теңгенің қоспалары да бар. Ал талап бойынша медициналық тауарлар компанияға кері қайтарылуы тиіс. Осыған қатысты өз міндетін орындамаған орталық қызметкері жұмыстан уақытша шеттетілді. Қазір сот ісі жүріп жатыр.

Мұрат Қадірбеков, Жамбыл облыстық иммунды жұқтыру орталығының комплаенс офицері:

Бізде мерзімі өтіп кеткен реагенттер, наборлар ешқашан қолданылмайды. Өйткені ол бойынша дәрігерлер алдына барады. Лаборанттар алдына барады. Мерзімі өтіп кеткен пробирка сыртында да жазылып тұрады. Егер өтіп кеткен жағдайда тест нәтижесі дұрыс бермеуі мүмкін.

Данияр Әлімқұл