В.Путин мемлекеттік сапармен Қазақстанға келеді

Ресей президенті Владимир Путин 27 қарашада Қазақстанға мемлекеттік сапармен келеді. Қазір іссапарға тыңғылықты дайындық жүріп жатыр. Бұл туралы Ресейдің сыртқы істер министрі Сергей Лавров еліміздің Сыртқы істер министрі Мұрат Нұртілеумен кездесуде айтты. Тараптар Еуразиялық экономикалық одақ, Ұжымдық қауіпсіздік туралы шарт ұйымы, ТМД, Шанхай Ынтымақтастық Ұйымы бойынша өзара іс-қимыл туралы пікір алмасты. Кездесу соңында екі елдің Сыртқы істер министрлері алдағы екі жылға арналған ведомстволар арасындағы ынтымақтастық жоспарына қол қойды. 

Аида Ахметбек