Шығыс Қазақстанда мектеп оқушылары онлайн оқуға көшті

Шығыс Қазақстан облысында өткен түннен бері қар аралас жаңбыр жауып тұр. Таулы аумақтарда қатты көктайғақ. Сондықтан Күршім ауданына қарасты Қойтас ауылындағы және Глубокое ауданындағы мектеп оқушылары онлайн оқып жатыр. Өскеменнің ең шеткі шағын ауданындағы нөмірі 49 мектептің бастауыш сынып оқушылары да сабақты үйден оқуда.

«Қазгидромет» орталығы аймақта алдағы 2-3 тәулікте қолайсыз ауа райы сақталатынын хабарлады. Дегенмен қарашаның соңғы аптасында қайтадан күн жылынады. 

Олжас Керейхан