Алматы облысына туристердің келуі рекорд жаңартты

Алматы облысында туристер саны рекордтық көрсеткішке жетті. Осы жылдың алғашқы 10 айында өңірге 1 млн 600 мың қонақ келген. Бұл өткен жылдың осы кезеңімен салыстырғанда 31%-ға артық. Осылайша Қазақстан шетелдік саяхатшылар үшін танымал бағытқа айналып келе жатыр, - дейді туризм саласына жауаптылар. 

«eQonaq» жүйесінің мәліметіне қарасақ, 2024 жылдың 10 айында өңірге 111 мыңнан аса шетелдік аяқ басқан. Бұл 2023 жылғы көрсеткіштен 73%-ға жоғары. Мамандар мұндай өсімді елдің табиғаты мен мәдени мұрасына деген қызығушылықтың артуымен байланыстырады. Соның ішінде Ұлттық парктер аумағындағы тұмса табиғат саяхатшыларды өзіне баурап отыр.

Қуанышбек Мейрамбекұлы, Алматы облыстық туризм басқармасының басшысы:

Іле-Алатау паркіне 790 мың халық келген және Көлсайға 363 мың халық. Шарын ұлттық паркіне 120 мың халық келген. Алдыңғы жылмен есептеп көрсек, екі есеге өсіп отыр туристер саны.

Қуан Нұрақын