Алматыда тепловоз бен қоғамдық көлік соқтығысты

Алматыда тепловоз бен қоғамдық көлік соқтығысты. Зардап шеккендер бар.

Айдана Қуантхан, тілші:

Біз қазір Әуезов көшесі мен Гоголь көшесінің қиылысында тұрмыз. Қазір мұнда полиция мамандары жүр. Оқиға болған жер толық қоршауға алынған. Оқыс оқиға шамамен 11:40-тар шамасында болған. Нөмірі 88 бағыттағы автобус Әуезов көшесімен солтүстік бағытта келе жатып, Гоголь көшесінде темір жол бойымен келе жатқан тепловозбен соқтығысқан. Қалалық полиция департаментінің мәліметінше, апат салдарынан қоғамдық көліктің 6 жолаушысы зардап шекті. Жол апатының мән-жайы анықталуда. Қалалық денсаулық сақтау басқармасының сөзінше, қазір дәрігерлер зардап шеккендерге медициналық көмек көрсетіп, жарақат деңгейін анықтап жатыр.

Айдана Қуантхан