Қызылорда облысында жасөспірімдер арасында қылмыс тыйылмай тұр

Қызылорда облысында жасөспірімдер арасында қылмыс тыйылмай тұр. Аймақтағы ахуалды саралаған прокурорлар қылмыстың алдын алу шараларын күшейту қажет дейді.

Мәселен өңірде жыл басынан бері аса ауыр қылмыстар саны өскен. Сондай-ақ интернет-алаяқтар қаптап, бұл санаттағы деректер де 35 пайызға көбейді. Қоғамды алаңдатып отырған мәселе – мектеп оқушылары арасындағы әлімжеттік. Биыл қатарластарынан соққы көрген төрт жасөспірім көз жұмды. Ал 16 жасар қызды сыныптастары жезекшөлікке итермелеген қылмыстық іс бүгінде сотта қаралып жатыр.

Ризабек Ажаров, Қызылорда облысының прокуроры:

Қызылорда облысында біраз қолайсыз жағдайлар болды. Соны талдап, жүргізіп, оның себептерін анықтап, не себептен жасөспірімдер қылмысқа барады, біраз санаттағы қылмыстар өсім алған, біршамасы керісінше төмендеген.

Әділбек Серікұлы