Президент Халықаралық экологиялық ынтымақтастық жөніндегі арнаулы өкілге тапсырма берді

Қасым-Жомарт Тоқаев Президент кеңесшісі – Халықаралық экологиялық ынтымақтастық жөніндегі арнаулы өкіл Зүлфия Сүлейменованы қабылдады. Мемлекет басшысына Баку қаласында өткен БҰҰ климаттың өзгеруі жөніндегі негіздемелік конвенциясына қосылушы тараптардың 29-конференциясының басты қорытындылары туралы мәлімет берілді. 3 желтоқсан күні Эр-Рияд қаласында өтетін «One Water Summit» халықаралық іс-шарасына әзірлік барысы да баяндалды. Саммит Қазақстан мен Францияның төрағалығымен, сондай-ақ Дүниежүзілік банктің және Сауд Арабиясының қолдауымен ұйымдастырылады. Президент Қазақстанның экология, су ресурстары және биоалуантүрлілікті сақтау бағытындағы бастамаларын сапалы іске асыруды тапсырды.

Аида Ахметбек