Батыс өңірлерге онкологиялық ауруды емдейтін ортақ аурухана қажет

Батыс өңірлерге онкологиялық ауруға шалдыққан балаларды емдейтін ортақ аурухана қажет. Себебі ата-аналар науқас балаларын Астана мен Алматыдағы ғылыми орталықтарға апаруға мәжбүр. Мәселен Маңғыстау облысында қатерлі дертке шалдыққан 175 бала есепте тұр. Алайда жергілікті дәрігерлер онкологиялық процесті ғана анықтайды. Ары қарай талдау жасап, химиялық терапия жүргізіп, емдейтін аймақта бір де бір маман жоқ. Ал статистикаға сүйенсек, қатерлі ісікке шалдыққан балалар саны жылдан жылға көбеюде. Ақтауда дәрігерлер мен науқас балалардың ата-аналары бас қосып, мәселені шешудің жолдарын талқылады.

Дана Сәбитаева, Мұнайлы ауданының тұрғыны:

Біз функция тапсыру үшін Алматыға барамыз. Бізге ауыр жол болмайды, ұшақпен кетеміз. Жұлыннан анализ алады. Бала екеуімізге 200 мың кетеді. Енді сол Маңғыстау облысында ашылса жақсы болар еді.

Аягөз Оралбайқызы