Ұлттық банк мәлімдеме жасады

Ұлттық банктің фирмалық бланкін пайдаланып, азаматтарға жалған құжат жолдаушы алаяқтар көбейген. Бұл туралы ведомствоның баспасөз қызметі хабарлады. Келтірілген деректерге сай, қаскөйлер Ұлттық банк атынан жалған хат жолдайды. Онда тұтынушы алаяқтың құрбаны болғанын хабарлайды.

Алаяқтан қаражатты қауіпсіз түрде қайтару үшін ақша аудару процесінен өтуге кеңес береді. Интернет-алаяқтары мұндай хабарламаларды WhatsApp мобильді қосымшасы, электрондық пошта арқылы таратады. Осыған байланысты Ұлттық банк азаматтарды сақ болуға, күмәнді шоттарға ақша аудармауға, хабарламалар келген жағдайда, байланыс орталығына 1477 нөміріне хабарласу арқылы нақтылауға шақырады.

Аида Ахметбек