Алматыда Әди Шәріповтің шығармалары насихатталды

Әди Шәріповтің жауынгерлік өмірі - көпке үлгі. Ал оның қаламынан туған туындылар оқырманды ұлтжандылыққа тәрбиелеп, рухын оятады. Алматыда көрнекті жазушының 112 жылдығына жиналғандар осылай деді. Шара аясында қаламгердің есімімен аталатын мектеп оқушылары Әди Шәріповтің жұбайы Клара Мыңжасаровамен кездесті.

Кеште қаламгердің майданнан жеткен шығармалары мен қызметте жүріп толғаған туындылары тереңнен зерттелді. «Партизан қызы», «Тон», «Қапастағы жұлдыздар», «Шипагер» атты өзекті шығармаларындағы басты кейіпкерлерге талдау жасалды.

Құралай Сағатбекова, Ұйымдастырушы:

Елімізге елеулі азамат, қоғам қайраткері, ғалым педагог Әди Шәріповке арналып жатыр. Бүгінгі жиынның мақсаты - болашақ ұрпаққа, жас ұрпақтың әлеуетін көтеру және Әди Шәріповтің бай мұрасын тереңірек зерттеп, насихаттау болып табылады.

Айдана Қуантхан