Солтүстік Қазақстанда екі ірі көпір апатты деп танылды

Солтүстік Қазақстан облысында апатты деп танылған екі ірі көпір тексеріліп жатыр. Олардың бірі Шал ақын ауданындағы Сергеев су қоймасының, екіншісі Петропавл қаласындағы гидро-тораптың үстінде орналасқан. Қос нысан да 4 жыл бұрын апатты деп танылды. Мамандар әсіресе, жүк көліктері өткелге айтарлықтай салмақ түсіріп, зақым келтіріп жатқанын айтады. Сондықтан қатынас шектеледі. Мәселен Сергеевка қаласындағы өткел арқылы күніне 300-ге жуық жүк көлігі жүреді. Нысан 55 жыл бұрын салынған. Тозығы жеткен плиталар жарылып кеткен. Жауапты мекеме өкілдері тексеріс нәтижесі келер жылы белгілі болады дейді.

Шұғайып Ибатуллин, «Қазсушар» РМК облыстық филиалының директоры:

Ол мостта 200-дей элемент бар. Соның барлығын тексеріп, бөлшектер ертең қайтадан пайдалануға жарай ма, жарамай ма,осы тексеруден кейін оған жобалық-сметалық құжаты жасалатын болады. Сонан соң қай жерде қалай, не істеу керек екені белгілі болады.

Эльмира Кәленова