Ақтаудың шағын аудандарында тазалық жұмыстары жүргізіліп жатыр

Ақтауда 6 шағын ауданда жаппай тазалық жұмыстары жүргізілді. «Таза Қазақстан» экологиялық акциясы аясындағы шараға бұл жолы қала кәсіпкерлері атсалысқан. Олар коммуналдық мекемелерге қолдау көрсетіп, арнайы техника және қажетті құрал-жабдықтармен қамтамасыз етті. Ал өздері үйлерінің аумағын тазалап шықты. Абаттандыру жұмыстары аясында бүлінген жаяу жүргінші жолдары да жөнделді.

Айдар Бисенов, Ақтау қалалық тұрғын үй коммуналдық шаруашылығы бөлімінің сектор меңгерушісі:

Қазіргі таңда коммуналдық мекемелердің 500-ге жуық қызметкерлері жұмылдырылып, санитарлық тазалау, абаттандыру, жасыл желектерді күтіп ұстап, сонымен қатар, жарық шамдарды ауыстыру жұмыстары жүргізіліп жатыр. Вандализммен қираған отырғыштар мен қоқыс жәшіктері қалпына келтірілуде.

Аягөз Оралбайқызы