Бірыңғай уақыт белдеуіне бейімделу керек

Әлемнің алпауыт елдері бірыңғай уақыт белдеуіне көшу мәселесін қарап жатыр. Бүгінде АҚШ пен Германияда бұл мемлекеттік деңгейде көтеріліп, жан-жақты талқылануда. Ал Қазақстан қазір өзінің табиғи уақытына көшті деп есептейді осы саланы зерделеп жүрген мамандар. Мәселен, Қызылорда облысы осыдан 6 жыл бұрын сағат тілін артқа шегерді. Бастапқыда уақытты кері қайтаруды талап еткендер көп болды. Бірақ, кейін халық табиғи уақыт белдеуіне бейімделіп, балалар таңертең мектепке бұрынғыдай қараңғыда емес, күннің көзі шыққанда барады.

Болат Нұрқожаев, Қолданбалы хронобиология маманы:

Жүз жыл біз өзіміз өзіміздің табиғи уақытымызбен өмір сүрген жоқпыз. Яғни, оны былай келтіруге болады. Адамдар шылым шеккеннен бас тартқан кезде қолайсыз сезінеді. Сондай сияқты үйренісіп қалған әдеттен арыла алмай жатырмыз. Сондықтан бұған адаптациялық кезең үш жылға дейін болады.

Әділбек Серікұлы