Жолды сапасыз салған мердігер компанияларға 136 млн теңге көлемінде айыппұл салынды

Жолды сапасыз салған мердігер компанияларға 136 млн теңге көлемінде айыппұл салынды. Сондай-ақ, республикалық автожолдарды қайта жаңарту және жөндеу жұмыстарына салғырт қарағаны үшін 8 мердігер ұйым соттың шешімімен жауапсыз компаниялар тізіміне енді. Бұл туралы жауапты ведомство өкілдері мәлімдеді. Ресми дерек бойынша, биыл мердігерлер түрлі жол жөндеу жұмыстары барысында 2900 ақау жіберген. Оның 2700-і қалпына келтірілді.

Дархан Иманашев – «ҚазАвтожол» ҰҚ» АҚ басқарма төрағасы:

Жүзеге асырып жатқан 255 жол-құрылыс нысанының сапасын тексеруге 42 техникалық бақылау компаниясының 489 маманы жұмылдырылды. 2024 жылы жұмыстарды сапалы орындамағаны үшін техникалық бақылау қызметтеріне 136 млн теңге көлемінде айыппұл салынып, 10 маман жұмыстан шығарылды.

Аида Ахметбек