Петропавлда 3 жасар баланың көзіне пышақ кіріп кетті

Петропавлда көзіне пышақ кіріп кеткен 3 жасар бала ауруханаға жеткізілді.

Дәрігерлердің айтуынша науқастың жағдайы өте ауыр. Бас сүйегі жарылып, миына айтарлықтай зақым келген, көп қан жоғалтқан. Анасының сөзіне қарағанда,  бала ас бөлмесінде құлаған сәтте көзіне пышақ кіріп кеткен. Полиция тексеріп жатыр.

Нұрлан Айманов, көпбейінді облыстық балалар ауруханасының директоры:

Белгісіз зат, темір зат па қандай зат білмеймін, көздің үстінен өтіп, мидың ортасына жеткендей деп ойлаймыз. Керекті барлық емдеу шаралар жүргізілді. Операцияға көрсеткіштер жоқ.

Қызылордада перзентханада шақалақ спиртке күйіп қалған

Қызылордада ана мен бала орталығында медбикенің салғырттығынан жаңа туған нәрестенің аяғы медициналық спиртке күйіп қалған. Қазір шақалақ анасынан бөлек, жасанды тыныс алу аппаратында жатыр. Келеңсіз жағдайға қатысты перзентханада ішкі тексеріс басталды.

Эльмира Кәленова