Харбин-2025: Азия ойындарында 19 конькишіміз бақ сынайды

Келер жылы Қытайдың Харбин қаласында өтетін Қысқы Азия ойындарына баратын конькишілеріміздің есімі белгілі болды. Ұлттық құрам жақында Астанада өткен ел чемпионатының нәтижелері бойынша анықталды. Конькимен жүгіруден Қазақстан құрамасының бапкерлер штабының шешімімен байрақты бәсекеде 19 спортшы бақ сынайтын болды. 

Олардың арасында халықаралық жарыстардан жүлдесіз қайтпайтын Надежда Морозова, Кристина Шумекова, Роман Биназаров, Никита Важенин сияқты конькишілеріміз бар. Азия ойындары Қытайдың Харбин қаласында 2025 жылы ақпанның 7-сі мен 14-і аралығында өтеді.

Қаракөз Тұрмағанбет