Көктайғақ: Қызылордада 14 жол-көлік апаты тіркелді

Қызылорда облысында кеше кешкісін қар аралас жаңбыр жауып, арты көктайғаққа ұласты. Салдарынан түнде 14 жол-көлік оқиғасы тіркелді.

Мәселен, қаладағы аспалы көпірдің үстінде бір мезетте 10-ға жуық көлік жылтыраған жолда соқтығысып қалды. Ең бастысы - жарақат алған адамдар жоқ. Сондай-ақ ауа райының қолайсыздығына байланысты кеше кешкісін республикалық маңызы бар автожолдар жабылып, полицияның көмегімен 1200 жолаушы жол бойындағы сервистік орталықтарға жеткізілді. Күре жолға түнімен құм аралас тұз себу жұмыстары жүріп, таңғы 5-те көлік қозғалысына рұқсат берілді.

Әділбек Серікұлы