Ақтөбеде орталық директоры 272 млн теңге жымқырған

Ақтөбе қаласының жол қауіпсіздігін қамтамасыз ету және цифрлық технологиялар орталығының директоры қомақты қаржы жымқырды деген күдікке ілінді. Бұл ақпаратты облыс прокуратурасы таратты.

Орталық басшысы қызметін пайдалану арқылы жол белгілерін сызуға бөлінген 272 миллион теңгені қалтасына басқан. Ол қаржыны мемлекеттік сатып алу шарттарын орындау кезінде жымқырғаны белгілі болды. Осылайша, іс жүзінде орындалмаған жұмыстардың актілерін негізсіз қабылдаған. Қылмыстық іс Ақтөбе қаласының номері екінші сотына жолданды.

Жақсыбек Кемал