Павлодарда жол тазалығына салғырт қараған лауазым иелері жауапқа тартыла бастады

Павлодардың полициясы жол тазалауға салғырт қараған лауазымды тұлғаларды әкімшілік жауапкершілікке тарта бастады.

Әзірге жазаланған басшылардың саны бесеу. Қарды тазаламай, көлік жүрісіне кедергі келтіруге себепші болған қызметкерлердің әрқайсысы енді бюджетке 39 320 теңге көлемінде айыппұл төлейді. Бұдан бөлек қоғамдық тәртіп сақшылары 2 мың шақырымға тарта күре жолда тексеру жүргізіп 50-ден астам ақау тапқан. Соған қатысты 35 хаттама толтырылды. Яғни қысқы мерзімде бұл учаскелердің тазалығы мен апаттық жағдайлардың алдын-алуға жауапты мердігерлер де айыппұл төлейді. Ақау табылған аумақтарды жөндейді.

Болат Аманбаев