Ақтөбедегі балабақшадағы тамақтан құрт шыққан

Ақтөбе облысының Қандыағаш қаласындағы балабақшалардың бірінде балаларға берілген тамақтың ішінен құрт шықты.

Әлеуметтік желіде тараған бейнетүсірілімнен ботқаның ішінде жүрген жәндіктерді анық көруге болады. Оны алдымен тәрбиешілер көрген. Оқиғаны облыстық Білім басқармасының басшылығы да растады. Қазір тексеріс жүріп жатыр. Мектепке дейінгі ұйымға тамақ жеткізумен айналысатын жеке кәсіпкер де жауап беруі тиіс. Алайда сұлы жармасының жарамдылық мерзімі өтпеген. Аудан орталығындағы бұл балабақшаға 210 тәрбиеленуші барады.

Нұргүл Бертілеуова, Ақтөбе облыстық Білім басқармасы бастығының міндетін атқарушы:

Сол арада таңғы ас беру бірден тоқтатылған. Қазіргі таңда облыстық Білім басқармасының тарапынан зерделеу тобы жұмыс істеп жатыр. Бүгінгі күнге балабақшаның меңгерушісі, медбикесі және бас аспаз жұмыстан босатылды.

Жақсыбек Кемал