Жамбыл облысында жасөспірімді өлтіргендерге сот үкімі шықты

Жамбыл облысы Құмжота ауылында оқушыны өлтірген үш жасөспірімге қатысты сот үкімі шықты. 8-ші сыныпта оқыған Мирас Мәлік былтыр сәуірде көз жұмған еді.

Марқұм мен оның достарын жоғары сынып оқушылары даладағы дәретханада соққыға жыққан. Кеуде тұсынан ауыр жарақат алған Мирас сол жерде жан тапсырды. Оны ұрған 9-шы сынып оқушылары өз кінәларын мойындады. Олардың екеуі 6 жыл 8 айға сотталды, үшінші жасөспірімге 1 жылға бас бостандығынан шектеу жазасы тағайындалды. Жәбірленушінің ата-анасына 11 млн теңге өндірілді.

Данияр Әлімқұл