Қызылорда облысының әкімі ұшақта жолаушының өмірін сақтап қалған студенттің оқу ақысын төлеп береді

Ұшақ бортында адам өмірін сақтап қалған болашақ дәрігер Дінмұхаммед Бектұрғанның оқу ақысын Қызылорда облысының әкімдігі төлейтін болды. Аймақ басшысы студенттің ата-анасын жеке қабылдап, елдің атынан алғыс білдірді.

Нұрболат және Ғалия Нұрсейітова баласына жақсы тәлім-тәрбие беріп, ұлының медициналық университетте ақылы түрде білім алуына еңбек етіп жүрген жандар. Қазіргі таңда Дінмұхаммед 7-курс студенті. Ол тағы 3 жыл резидентура оқуға ниетті.

Талапты жас дәрігердің білімін жетілдіріп, әрі қарай оқу ақысын төлеуге облыс әкімі қолдау көрсететінін жеткізді. Және ата-анасына «Алғыс хат» табыстап, ризашылығын білдірді.

Әділбек Серікұлы