Жұмыс орнында есірткі сақтап, оны сатқан полицей сотталды

Ақтөбеде өзінің жұмыс орнында есірткі сақтап, оны сатқан полицейге сот үкімі шықты. Ол шенінен айрылып, он жылға бас бостандығынан айырылды.

Бұрынғы құқық қорғау қызметкері 2022-жылы ұсталған. Ол «мефедронның» 11 пакетін өзінің жұмыс кабинетінде сақтап, полиция бөлімі ғимаратының алдында 120 мың теңгеге сатқаны анықталды. Бұл істі 2023-жылы номері екінші Ақтөбе қалалық соты қарап, оны он жылға соттау туралы шешім шығарды. Айыпталушы кінәсін мойындамаған. Кейін іс Жоғарғы сотқа дейін жетіп, бірінші инстанциядағы үкімнің күші жойылып, іс қайта қарауға жіберілді. Бұл жолы сот алқа билердің қатысуымен өтіп, шешім шығарылды.

Жақсыбек Кемал