Сот жүйесіне жасанды интеллект технологиялары енгізіліп жатыр

Сот жүйесіне жасанды интеллект технологиялары енгізіліп жатыр. 2 миллион 655 мың материал роботты техниканы қолдану арқылы қаралды. Бұл туралы Президент қабылдауында болған Жоғарғы Сот төрағасы Асламбек Мерғалиев айтты. Сот жүйесінің былтырғы қорытындылары бойынша қаралған істер саны артқан, ал соңғы 5 жылда сот төрелігінің сапасы ең жоғары деңгейге жеткен. Алқабилердің құзыреті кеңейіп, қаралатын істер саны екі есеге өсті. Төраға судьялардың дербестігін нығайту, әкімшілік әділет саласын дамыту және кассациялық соттар құру бойынша заңнамалық бастамалар туралы баяндады. Мемлекет басшысы заң үстемдігін қамтамасыз ету мен соттарға деген қоғам сенімін арттырудың маңызын атап өтті. 

Шерхан Жамбылұлы