Ұлттық комиссия: Ата-аналар балаларға көбірек көңіл бөлуі керек

Ата-аналар балаларға көбірек көңіл бөліп, олардың қызығушылықтары мен проблемаларына назар аударуы керек. Әйелдер істері және отбасылық демографиялық саясат жөніндегі ұлттық комиссия ата-аналарға осындай үндеу жасады.

Астанада төрт туысын пышақтаған келеңсіз жағдай балалардың онлайн әлемдегі әрекетін назарда ұстап, олармен көбірек ашық әңгімелесу керегін көрсетті дейді комиссия мүшелері.

Зерттеулерге қарағанда балалардың 15 % -ы күнделікті интернетте жағымсыз контентке кезігеді. Бұл әлеуметтік оқшаулануға, отбасындағы түсініспеушілікке алып келуі мүмкін екенін айтады мамандар.