Ақтөбеде жолда қалған шетелдіктер құтқарылды

Ақтөбеде де күннің аяздығына байланысты оқушылар бірінші ауысымда онлайн оқып жатыр. Қолайсыз ауа райы жолаушыларға да кесірін тигізді. «Самара-Шымкент» тасжолында еліміздің оңтүстігінен Ресейге бара жатқан жолаушылар автобусы бұзылып, 84 адам далада қалды.

 Олардың екеуі - Қазақстан, қалғаны Өзбекстан мен Тәжікстан елінің азаматтары. Жүргізуші жағдайдың қиын екенін бірден түсініп, Төтенше жағдайлар департаментіне қоңырау шалған. Құтқарушылар тез арада жетіп, жолаушыларды Құрылыс ауылындағы жылыту бекетіне орналастырды. Сондай-ақ, Қобда ауданында да 25 шетелдік көлік тұрып қалды. Жүргізушісі мен жолаушылар қауіпсіз жерге жеткізілді. Ешкім зардап шеккен жоқ

Жақсыбек Кемал